Að læra þýsku?! Auðvitað er best fyrir ykku að læra þýsku í Þýskalandi. Þá kynnist þið landi og þjóð, getið nýtt ykkur það sem þið eruð nýbúin að læra í daglegu lífi og eignast nýja vini. Alþjóðlega viðurkenndir skólar í mörgum þýskum borgum valda því að þið eigið úr vöndu að ráða (sjá "Externe Links"). Ykkur standa til boða námskeið af öllu tagi, allt frá byrjendanámskeiðum til flýtinámskeiða, frá menningarlega kröfuhörðum námskeiðum til bókmenntanámskeiða. Tungumál eru ekki aðeins samskiptatæki, heldur koma þau ykkur líka seinna meir til góða í starfi. Í mörgum tilvikum er um að ræða gistingu hjá þýskum fjölskyldum.

Á hverju ári efna þýskir háskólar, fagháskólar og háskólastofnanir til margra vikna "sumarnámskeiða". Þar kynnast alþjóðlegir þátttakendur ekki aðeins þýskri tungu, heldur líka fjölbreytni mannlífsins í Þýskalandi.
Til viðbótar þýskunámskeiðunum er boðið upp á kynningarámskeið um menningarleg, pólitísk og efnhagsleg málefni, sem og kynnisferðir sem veita fólki áhugaverða vitneskju um Þýskaland.
Í mörgum stofnunum getur fólk jafnframt valið á milli námskeiða á ensku og þýsku.

Hafið þið velt því fyrir ykkur að stunda nám í Þýskalandi? Þýskir háskólar einkennast af háum gæðum og fjölbreytni, hvort sem fólk vill sækja þangað fullt nám eða eyða þar einu námsmisseri. Auk þess eru í boði fjölmargar alþjóðlegar námsbrautir, þar sem þið kynnist fólki víðs vegar að úr heiminum.

Langar ykkur að safna nýrri reynslu í útlöndum, bæta málakunnáttu ykkar og umfram allt: eruð þið hrifin af börnum og viljið gjarnan eyða tíma með þeim?
Dvöl sem "au pair" í Þýskalandi gefur ykkur færi á öllu þessu og hefur þann mikla kost að þið eruð frá upphafi hluti af þýskri fjölskyldu. Nánari upplýsingar finnið þið á eftirfarandi vefsíðum.