Langar ykkur í skoðunarferð, að versla eða fara í notalegan spássitúr?  Nú eða bara að njóta andrúmsloftsins og allra þeirra nýju hughrifa sem þið eruð að verða fyrir? Láttu slagkraft þýskra stórborga hrífa þig með sér. Best er að skoða borgirnar að deginum og skella sér síðan af fullum krafti í næturlífið til að kynnast lifnaðarháttum þjóðarinnar! Allar nánari upplýsingar um fjórar stærstu og vinsælustu borgirnar og allar aðrar borgir finnurðu á næstu síðum.

Allt frá gómsætu súkkulaði og glæisvögnum að vísindalegum tilraunum, geimferðum, flottri hönnun og  heimi undirdjúpanna . Söfnin spanna allt þetta og meira til. Og við erum ekki að tala um nein rykfallin gamaldags söfn, heldur söfn sem koma á óvart vegna fjölbreytni og frumleika . Þessi söfn bjóða gestum að vera með í að uppgötva leyndardóma tilverunnar. Látið ykkur berast inn í veröld viskunnar!

Hvort sem um er að ræða rokk, popp, þýska nýbylgju, soul eða hip hop, techno, dance, rap eða kannski  latino, reggae, black, funk, jazz eða ska, tónlistarlífið í Þýskalandi er alþjóðlegt, bæði hvað varðar lög og texta. Tónlistin hljómar ekki bara á börum, knæpum og diskótekum um nætur, það er líka hægt að njóta hennar á tónlistarhátíðum um allt Þýskaland. Það er  líka eftirminnilegt að fara á söngleik, þar sem fólk nýtur bæði leiks og söngs í senn.