Fjölskylduferðir- Frí við vatn

Gönguferð á grynningum og kópar
Heiður og tær himinn, létt gola og öldugjálfur. Það er varla hægt að slappa betur af en við ströndina, ekki síst þegar börnin  hamast í vatninu eða dunda sér í rólegheitum við að moka sandinum. Pabbi, mamma, eigum við að skoða ormana í sjónum á morgunn? Af hverju ekki?  Þá er líka hægt að fara í hringferð um höfnina eða skoða selina sem flatmaga í fjörunni, nú  eða láta á það reyna með námskeiði hversu dugleg þið eruð á vatnaskíðum. Ævintýragjörn börn geta farið í sjóræningjaleik eða náð sér í hér um bil alvöru skipstjórnaréttindi.

Hvort sem það er Norðursjórinn með öllum sínum vitum sem lokkar eða hinir fallegu krítarklettar við Eystrasaltið, skiptir ekki máli. Frí við hafið er frábært fyrir alla og þegar veðrið bregst er alltaf hægt að skoða sögufræg skip og sædýrasafnið, eða risastóra beinagrind af hval.

Hreinræktuð sundgleði
Skipið ruggar mjúklega á öldunum.Héðan er hægt að sjá ævintýrahöllina  Neuschwanstein sem er svo stórkostleg að börnin gleyma næstum ísnum sínum. Ótrúlega margt er að skoða við Bodensee, hægt er að synda og leika sér í vötnum í gömlum eldgígum eða fara í siglingu og skoða fegurð vatnanna í Mecklenburg . Það geta allir fundið eitthvað við sitt hæfi í fjölbreyttum heimi þýsku vatnanna.

Þeir sem hafa gaman af hreyfingu geta skemmt sér á sjóbrettum eða við siglingar, farið í ferðir á hraðbátum eða kannað framandi veraldir með því að kafa í kristalstæru vatninu. Börnin langar áreiðanlega að fara á kajaknámskeið þar sem spenanndi ævintýri og varðeldar er hluti af dagskránni. Það er líka mikið stuð fyrir alla fjölskylduna að fara í hjólabáta. Í sumum vötnunum búa nefnilega dularfullir vatnanykrar og sæskrímsli.

Rómantík og ævintýri
Rín, Dóná og Saxelfur, á þessum stærstu fljótum Þýskalands er hægt að fara í afar athyglisverðar siglingar og skoða landið. Gamlar sagnir vakna  til lífsins, þegar horft er á fjöldann allan af kastölum og höllum á bökkum fljótanna. Ungir jafnt sem aldnir geta líka fundið sér ýmsilegt skemmtilegt til dundurs við minni fljót eins og Mósel, en á bökkum þeirrar ár stendur hin 2000 ára gamla Trier. Svo má líka nefna ána Main, en við hana stendur nútímaborgin Frankfurt. Fjölbreytta ferðamöguleika fyrir stóra sem smáa er sömuleiðis að finna á og við árnar Weser, Havel, og Nahe. Á Lahn eru ákjósanlegustu skilyrði fyrir siglingar á kanúumog við ána Neckar liggur hjólreiðavegur í gegnum ægifagurt landslag. Hjörtu þeirra sem hafa gaman af að kanna ný lönd, slá örar þegar komið er í Spreewald í nágrenni Berlínar. Hér hlykkjast 1000 kílómetra langar árkvíslar  í gegnum þétta skóga og minna á risavaxið völundarhús. Í suðri er hinn fjöllum girti Svarti skógur. Þar er hægt að fara í ævintýralegar fljótasiglingar í gljúfrum, sem eru umlukin þverhníptum hamraveggjum.