Ölkelduheilsubaðið í Wiesbaden er, með sínum heitu, heilnæmu uppsprettum, eitt af elstu heilsuböðum í Evrópu. „Heilsuborgin“ er nú orðin lækningamiðstöð í háum gæðaflokki, þar sem gestir koma jafnvel langt að.

Fyrir þann sem vill hvíla sig og leggja rækt við heilsuna, eru ölkelduheilsuböðin í Baden-Baden rétti staðurinn. Það eitt að dvelja á þessum baðstað með sínu alþjóðlega yfirbragði, er endurnæring fyrir sál og líkama.

Kissingens er fyrst getið í heimildum fyrir um 1200 árum og 1883 gerði bæverski „ævintýrakóngurinn“ Lúðvík 2. staðinn að baðstað. Margir þekktir keisarar, konungar, stjórnmálaskörungar, tónlistarmenn og skáld notuðu Bad Kissingen sem heilsubrunn.

Heilsu- og baðstaður, sem og eitt af elstu leirlækningaböðum Þýskalands, með mildu, en rysjóttu veðri í „heilsuhjarta Evrópu“. Íburðarmikil hús setja svip á hreinlegan og snyrtilegan bæinn. Í dalnum, sem er þakinn ilmandi skógum, streymir „vatn lífsins“ úr tíu lækningalindum. Þegar á öldum áður lögðu efnaðir borgarar sér þetta lækningavatn til munns.

Hið opinbera heilsuhæli Bad Dürkheim hefur allt að bjóða sem þarf til að gera heilsudvölina góða. Áhersla er lögð á nútímalega nýtingu gamalgróinna aðferða sem og að tengja þær við nútímalegar lækningaaðferðir með skynsamlegum hætti. Hér er svo auðvelt að gera sjálfum sér gott.

Glæsilega Eystrasaltsbaðið, Binz, er stærsta sjóbaðið á eynni Rügen og staðsett við eina af fegurstu víkum eyjarinnar, Prorer-víkina. Loftslagið á Binz er rysjótt, en milt og með 1872 sólarstundum á ári er þetta einn af sólríkustu stöðum Þýskalands.

Hér, þar sem Eystrasaltið verður að risastórum buslpotti, er Eystrasaltsbaðið Timmendorfer Strand-Niendorf. Heilsustaður með öllu sem sál og líkami þarfnast, sem veldur því að dvalargestir snúa sífellt aftur.

Bad Sassendorf, heilsustaðurinn þar sem stutt er í hvíld, slökun og vellíðan. Andrúmsloftið sem mætir gestum, er létt og afslappað, húsin eru í vestur-felískum bindingarstíl, og undurfögur náttúra allt um kring. Hér státa menn af aldagamalli þekkingu á heilsurækt.

Sjávarbaðið Norderney við Norðursjó er elsta baðið á þessum slóðum. Verðmæti hafsins sem hér eru nýtt – vatn, leirset og salt – valda litlum læknisfræðilegum kraftaverkum og blása burtu sorg og sút, með hreinu sjávarloftinu.

Bad Saarow við „Märkiska hafið“ gerir mönnum gott. Hið opinberlega viðurkennda salt- og leirbað hefur löngum verið vinsæll heilsubær, því það á að vera gaman að vera hraustur!