Dómkirkan í Köln

Kölnardómkirkjan, sem var reist á árunum 1248 - 1880, er eitt helsta meistaraverk gotneskrar byggingarlistar frá miðöldum. Kirkjan er talin fullkomnasta dæmið um hágotneska dómkirkju í heiminum. Þegar smíði hennar lauk á 18. öld var hún jafnframt stærsta bygging í heimi. Framhlið kirkjunnar, sú stærsta í heiminum, nær yfir 7000 fermetra, og til beggja handa rísa tveir voldugir turnar, sem eru hvor um sig 157 metrar á hæð. Mikill fjöldi listaverka prýðir innviði kirkjunnar. Þar má nefna litfögur glerlistaverk, gero-krossinn svokallaða frá tímum Ottó-kónganna (um 970), sem er elsta tréskurðarmynd sinnar stærðar á Vesturlöndum, þriggja-konunga-kistuna (1180 - 1225), einn stórbrotnasta minnisvarða um gullsmíðalist í löndunum við Rín og Maas, altari borgardýrlinganna (um 1450) eftir Stephan Lochner, meistaraverk úr smiðju Kölnarskólans í málaralist og kirkjuorgelin. Listsagnfræðingar líta svo á að í Kölnardómkirkjunni renni allir hlutar byggingarinnar saman í sérstæða, samstillta heild. Þessi vinsæla táknmynd Kölnar vakir yfir miðborginni, líkt og risavaxinn verndarandi.