Iðnaðarsvæðið "Zeche und Kokerei Zollverein"

Náman Zollverein í Essen var stærsta og nútímalegasta steinkolanáman í heiminum. Arkítektarnir Fritz Schupp og Maryin Kremmer, sem báðir voru innblásnir af Bauhaus-stefnunni, hönnuðu með "Zollverein námagöngum XII" og kolanámunni einstakt athafnasvæði, þar sem allt snerist um tvo öxla, sem tóku mið af lögmálum samhæfingar og flatarmálsfræði. Námunni var lokað 1986, eftir að hún hafði verið starfrækt í 55 ár. Nú eru kolanáman og "námugöng XII" í sameiningu einstakt alþjóðlegt iðnaðarsvæði, þar sem rekin er lífleg menningarmiðstöð. Þeir sem skoða þessa "fegurstu námu heimsins" kynnast lífinu á 3. og 4. ártug síðustu aldar, sem og framþróun þungaiðnaðarins. Hluti af athafnasvæði námunnar sem er ofan jarðar og varðveittur í upprunalegri mynd, er nú notaður sem safnstígur. Hann liggur í gegnum húsin, þar sem kolin voru hreinsuð forðum, framhjá risavöxnum vélum og færiböndum.