Dómkirkjan í Aachen

Að koma á laggirnar "nýrri Rómarborg" - það var draumur Karls mikla, þegar hann - árið 786 - hóf að láta reisa Maríukirkjuna (Pfalzkapelle) í aðalbækistöðvum sínum, þar sem nú er borgin Aachen. Þar með lagði hann hornstein að einu merkilegasta mannvirki Evrópu og gerði Aachen - um 800 - höfuðstað síns rómverska ríkis. Dómkirkjan er - bæði frá sjónarhorni byggingar- og listasögu- einstæð í sinni röð.  Á 600 ára tímabili (936 - 1531) voru 30 þýskir kóngar krýndir í þessari byggingu. Í kirkjunni eru geymdir einhverir verðmætustu helgigripir í Evrópu. Þar á meðal er fjöldi helgigripa, allt frá síðari hluta fornaldar til gotneska tímans, sem sumir hverjir eru taldir mestu dýrgripir síns tímabils í Evrópu. Hinar helgu minjar sem hér eru geymdar - helgidómarnir fjórir, þ.á.m. hluti af reifum frelsarans  - hafa allt frá miðöldum leitt til þess að dómkirkjan í Aachen varð einn af mikilvægustu áfangastöðum pílagríma. Þegar Karl mikli dó, árið 814, var hann lagður til hinstu hvíldar í kirkjunni. Hin forna steinkista stendur nú í innsta hluta gotneska kórsins. Dómkirkjan, sem í þúsund ár hefur tekið miklum breytingum, er nú táknmynd borgarinnar.