Fyrrum höfuðborg Prússaveldis og brennidepill iðandi menningarlífs þriðja áratugarins – nú ný höfuðborg með allt öðru yfirbragði – og þinghúsinu sem vitni um stórbrotna byggingarlist. Berlín er aftur komin á fleygiferð. Það er leitin að borg þar sem sagan hefur skilið eftir sig jafn djúp spor og jafn áhrifamiklar breytingar hafa orðið.

„Hansadrottningin“, eins og þessi fyrrum frjálsi verslunarstaður við Eystrasaltið hefur verið nefndur, er af skiljanlegum ástæðum vinsæll ferðamannastaður, með allri sinni menningarauðlegð, múrsteinshúsum frá miðöldum í gotneskum stíl og glæstum íbúðarhúsum.

Frábær staðsetning við ána Saxelfi og Alster-vatnið, iðandi skemmtanalíf í St. Pauli, einstæð söngleikja- og leikhúsflóra, Michel-kirkjan og höfnin. Hamborg er mikils metin af menningarunnendum.

Sannkölluð draumaborg í Suður-Þýskalandi: München, hin nútímalega stórborg við ána Isar. Ótrúlega afslöppuð borg, þar sem lífið einkennist af umburðarlyndi og fordómaleysi. Alltaf heimsóknarinnar virði!

Fágæt listræn verðmæti, hljóðfæri á heimsmælikvarða, ægifagrar byggingar í miðju heillandi árlandslaginu – þetta eru þeir fágætu kostir sem gestum standa til boða í fylkishöfuðborg Saxlands.

Rostock er ekki aðeins stærsta borgin í fylkinu Mecklenburg-Vorpommern, hún er líka miðsvæðis í hópi baðstaða við þýsku Eystrasaltsströndina. Borgin, sem eitt sinn var mikilvægur hlekkur í Hansa-keðjunni, hefur varðveitt sinn upprunalegan þokka, án þess þó að vera lokuð fyrir nýjum áhrifum.

2000 ára menningarsaga, áhrif frá dögum Rómarveldis og miöðldum, sem og nútímalegur lífsstíll, setja svip sinn á Köln. Dómkirkjan er tákn og hjarta borgarinnar, þar sem fólk frá öllum heimshornum kemur saman.

Í Bremen er sagan alls staðar nálæg og þar er framtíðin líka mótuð. Þetta iðandi hjarta Norðvestur-Þýskalands, sem er heimkynni hinna víðfrægu Brimaborgarsöngvara, er stórborg með öllum sínum tilbrigðum – saga, hefðir, „High-Tech“, vísindi og geimferðir sameinast hér í eina skapandi heildarmynd.

Rüdesheim og Assmannshausen við Rín, sem drógu löngum til sín rómantíska listamenn, bæði enska og þýska, eru staðsett í miðju vínmenningalandslagi Rheingau-héraðsins og um leið við mynni Loreley-dalsins, efri hluta Mið-Rínardalsins, sem er á heimsminjaskrá UNESCO.

Rómantík við hvert fótmál. Engin önnur borg hefur orðið jafn táknræn miðaldaborg og Rotenburg, með undurfagurri legu sinni við bratta bakka árinnar Tauber, öngstrætum sínum, háum turnum og rammgerðum múrum.