Í gegnum skóga og litríka bæi Harzhéraðsins, að Brockenmassiv. Þar sem nornirnar dönsuðu, sungu og göldruðu. Hérað með líflega sögu, leyndardómsfullar þjóðsögur og goðsagnir.

Hansaborgir með ríkar hefðir, bað-arkítektúr með heimsborgarabrag, íburðarmiklar villur og herragarðar, eru minnisvarðar um sögu sjóferða og milliríkjaverslunar.

Það er ekki annað hægt en að þykja vænt um þetta vindasamasta hérað Þýskalands. Hvað væri ferð um Norður-Friesland, án þess að fara í gönguferð um grunnsævið á fjöru. Næsta flóð kemur örugglega!

Stærsta samfellda vatnasvæði í Evrópu – land hinna þúsund vatna og trjágangna. Vegna hins mjúka hæðalandslags hlaut svæðið á milli Teterow og Malchin óvænt nafnið „Sviss“.

Þar sem „Werra og Fulda mynnast“ og áin Weser rennur í gegnum heillandi landslag, er hið sögufræga Weserbergland. Bindingarhúsarómantík og Weser-endurreisnin eru hér hluti af landslaginu.

Fá svæði í heiminum eiga sér jafn magnaða og auðuga sögu og hinn goðsagnakenndi Rínardalur. Hér á hinn skuggalegi Högni að hafa sökkt gulli Niflunga í ánni Rín.

Einstætt menningarlegt útisafn. Þar sem vínviðurinn teygir sig til himins, koma kræsingarnar frekar úr kjallaranum en úr eldhúsinu. Rieslin-vínið hefur gert héraðið heimsfrægt.

Svartiskógur teygir sig eftir Rínarbökkum. Skammt undan eru vatnið Bodensee, Sviss og Elsass-héraðið. Fyrir utan mat og vín hafa ullarkúluhattarnir og gauksklukkurnar borið hróður hans um heiminn.

Er nokkur þörf á að kynna Oberbayern? Það vita jú sjálfsagt allir, að á milli Altmühldalsins og fjallstindsins Zugspitze er mikill fjöldi margbreytilegra og hrífandi náttúruundra.

Í þjóðgarðinn Berchtesgaden og síðan uppá Watzmann-tindinn. Hið sögufræga vatn Königsee, með pílagrímakirkju heilags Bartólómeusar, er umlukið bröttum fjöllum líkt og norskur fjörður.