Fyrirmyndarfylki á mörkum fornra hefða og nútímans. Heimkynni Hohenzollernættarinnar, gauksklukknanna, loftskipanna, Daimler-Chrysler og Porsche.

Innblástur og lífsnautnin frjóva. Hvít-blár himinn og kristalltær vötn. Miðaldabæir og borgir sem iða af lífi. Bæverskar venjur og innileg gestrisni. Leyndardómsfullir skógar og snævi þaktir tindar. Útivist og endurnæring.

Hin nýja Berlín – stórborg á tímamótum. Frá því að múrinn hrundi og þýsku ríkin sameinuðust er stærsta borg landsins orðin að heimsborg og suðupotti á mörkum austurs og vesturs. Í hringiðu höfuðborgarlífsins er alltaf eitthvað á seyði.

Héraðið umhverfis höfuðborgina Berlín sameinar allt: fylkishöfuðstaðinn Potsdam, undurfagurt landslag Märkisch-héraðsins sem og höfuðborgina Berlín, ólgandi af lífi.

Brimaborg, hjarta Norðvestur-Þýskalands og heimabær hinna heimsfrægu Brimaborgarsöngvara. Nútímalegt fylki, þar sem fornar hefðir og alþjóðahyggja renna saman í frjóa heild.

Einn af mest spennandi stöðum í norðrinu fyrir þá sem sækjast eftir upplifunum. Hvort sem um er að ræða menningu eða samkvæmislíf, söguna eða nútímann, borgarlíf eða gróður, upplifanir á nóttu eða degi, á láði eða legi: Hamborg er opin fyrir áhrifum af öllu tagi.

Fólk, fullt af þokka og lífsgleði, innileika og hlýju. Hvort sem um er að ræða menningarferðir, útivist eða fjölskylduferðir – Hessen býr yfir ótal stórfenglegum tækifærum. Í fésýslumiðstöðinni Frankfurt am Main slær hjarta Evrópu. Frankfurt-flugvöllur er stærsti tengiflugvöllur á meginlandi Evrópu.

Vatnið setur svip sinn á ströndina og fjölbreytilegt landslagið inn til landsins. Hansaborgir og sjávarbaðstaðir vitna um horfin völd og baðlíf með glæsibrag. Hallir, heimkynni fursta, lystigarðar, skrúðgarðar og stöðuvötn setja svip sinn á fylkið.

Að uppgötva og undrast, upplifa og njóta. Frá eyjunum í Austur-Frieslandi og þjóðgarðinum „Wattenmeer“ í Neðra-Saxlandi, yfir Lüneborgar-heiðina og að Harzfjöllum er að finna mörg heillandi ferðamannasvæði.

Fylki sem einkennist af fjölbreytni. Borgarferðir fyrir menningarunnendur, iðnmenning fyrir þá sem þyrstir í upplifun, útivist og sveitasæla í náttúrunni, heilsuræktar-paradís fyrir þá sem leita að slökun – í NRW er nánast allt hægt!

Fylki sem er engu líkt. Héruðin eru jafn fjölbreytt og fólkið sem hér á heima. Menningin er jafn litauðug og sagan sem hefur sett svip sinn á Rheinland-Pfalz. Hér renna rómantík og upplifun saman í eitt. Fylki, fullt af fjölbreytni sem laðar til sín ferðamenn.

Saarland er smæsta fylkið í Þýskalandi og í næsta nágrenni við Frakkland og Lúxemburg. Járnvinnslan í Völklingen, sem er heimsfrægur minnisvarði um þessa gömlu atvinnugrein og á heimsminjaskrá UNESCO, er á okkar dögum þekktasta menningarmiðstöð Saarlands.

Bæir á borð við Meissen, Seiffen eða Annaberg eru álíka þekktir og Dresden, Chemnitz og Leipzig. „Elb-sandsteinsfjöllin“ í Sächsische Schweiz („Saxneska Sviss“) og „Erz-fjöllin“ heilla ferðamenn frá öllum heimshornum.

Árdagar mannkynssögunnar, miðaldir, endurreisn og upplýsing, iðnvæðing og klassískur nútími. Sachsen-Anhalt er sannkallað góssenland fyrir þá sem hafa áhuga fyrir menningar- uppfræðslu- og borgarferðum og vilja uppliaf einstæða blöndu af afþreyingu og fróðleik.

Norðursjór og Eystrasalt setja svip sinn á fylkið. Vindur, grunnsævi og haföldur, flóð og fjara, eru þau öfl sem hér hafa mest áhrif á hrynjandi mannlífsins. Tilvalinn áningarstaður fyrir fjölskyldur og þá sem unna vatnsíþróttum og náttúrufegurð.

Þar sem mikilvægustu verðmætin eru náttúra og menning. Þar sem minningin lifir um Lúter, Bach, Schiller og Goethe, þar eru heimkynni hinna ódauðlegu snillinga. Hin víðfræga sjónglerjaframleiðsla í Jena og stærsti bangsi veraldar eiga líka heima hér.